Arrestasie

Oudtshoorn

Arrestasie Situasie is 'n Afrikaanse rock-duo wat begin het met twee mense wat verskillende musieksmake het, maar dieselfde liefde vir Afrikaanse musiek deel. Ons skryf ons eie musiek – nie omdat ons dink ons het al die antwoorde nie, maar omdat musiek nog altyd die beste manier was om sin te maak van die lewe. Elke song kom uit 'n plek van eerlikheid. Dis stories uit ons eie ervarings, gedagtes, foute, vreugdes en seerkry. Stukkies van ons harte wat ons met ander deel. Ons glo die mooiste musiek is die soort waarin iemand hom- of haarself kan raak hoor. Daarom skryf ons nie om perfek te wees nie – ons skryf om eg te wees. Ons is lief vir mense. Familie, vriende en vreemdelinge. Ons glo elkeen dra 'n storie, en dalk raak een van ons songs ook aan joune. So sit terug, luister saam. As iets jou tref, vat dit saam huis toe. En as jy die woorde ken... sing saam. Dis waaroor Arrestasie Situasie gaan.